أنواع العقارات في السويد – شراء منزل في السويد
أنواع العقارات في السويد – شراء منزل في السويد في هذا المقال سوف نتعرف على كل انواع العقارات في السويد.
هنا بالسويد اذا كان لديك رقم وطني سويدي انك تشتري أي نوع من أنواع العقارات سواء كانت أرض أو شقة أو فيلا .
أما الاشخاص ليس لديهم رقم وطني وهم بالأصل خارج السويد يحق لهم ان يشترو عقار ولكن فقط أرض أو فيلا يعني بإستثناء الشقق السكنيه التابعة لشركات السكن).
يعني العقار لازم يكون Fastighet .
وسوف نشرحلكم الفرق بين الكل .
أنواع العقارات بالسويد :
1-Fatigheter :
يعني عقار ملكية ثابتة لايطرأ عليها تغيير بالشروط أو خاضعة لإدارةعقارية من جهة معينه او شركة .
بشكل اوضح هو ملك شخصي ثابت يحق لصاحبه التصرف فيه كما يشاء ومتى يشاء طبعا ضمن القوانين العقارية للمنطقة وهو من افضل أنواع العقارات في السويد .
وهو عباره عن أرض إما زراعية أومعده للبناء أو أرض مشاد عليها مسبقا فيلا قابله للسكن .
وتعتبر الأرض والفيلا المقامة عليها عقار واحد واله رقم واحد
الرقم العقاري بالFastighet اسمه Fastighetsbeteckning
يعني الرقم العقاري للعقار أو رقم الطابو بالعربي .
وهذا الرقم هو بكون رقم هوية العقار في السويد وبمجرد تبحث عن هذا الرقم بالانترنت بصفحة الملكيات العقارية بيعطيك تفاصيل العقار كاملة .
2-Bostadsrätt :
يعني شقة سكنية وهون متل ماذكرت انو بحق فقط للشخص الحامل الرقم الوطني السويدي انو يشتري اذا قدم طلب الشراء لشركة السكن ووافقة عليه وراح اكتب لاحقا تفاصيل أكتو عن طريقة شراء الشقة وكيف بتم تقديم الطلب والشروط اللي لازم تتوفر قبل الشراء .
3-Fritidshus :
هو شراء بيت صغير أوكوخ للسكن وقضاء فيه أوقات محددة بالسنه وليس سكن دائم .
مثلا لقضاء عطلات محدده بالسنة والاستجمام .
اليوم راح اكتبلكم تفاصيل ومعلومات عن أول نوع وهو ال Fastighet .
ال Fastighet هو شراء عقار بملكية ثابتة متل ماذكرت سابقا وهو انا بعتبره أفضل أنواع العقارات بالسويد ان كان بهدف السكن أو التجاره .
لان هذا النوع من العقارات بيعطي المالك حرية أكبر بالتصرف بالملكيه من ناحية البيع أو التشطيب أو الاضافات على العقار أو حتى التأجير Andrahand في حال اذا كان للعقار فيلا .
وليس مرتبط أبدًا بقوانين ولوائح أي شركة سكن .
بهذا النوع من العقار لازم تنتبه على عده أمور قبل الشراء وهي :
- اذا كان العقار أرض معده للبناء يجب الانتباه للأمور التاليه:
- -الكشف على الأرض عند البلدية وال Lantmäteriet وتشوف انو الأرض معده للبناء أو لاء وقديش مسموح نسبة البناء وارتفاع البناء المسوح فيه وهل يمكن توصيل الماء والكهرباء للأرض بدون مشاكل.
- -موقع الأرض ومساحتها
- موقع الأرض الأفضل انو يكون قريب على خدمات المنطقة من مواصلات أو تسوق أو مدارس وروضات اذا كانت مدينة أو ريف لان هذا الشئ بيبحث عنه دائما المشتري بعدك اذا حبيت تبيع أرضك لتجبلك سعر جيد .
- مساحة الأرض جدا ضروري لأن على أساسها بياخد الواحد الموافقة على حجم البناء اللي بتقدر تعمره .
- ملاحظة/ القانون بالأراضي بقلك اذا كانت الأرض معدة للبناء ومساحتها الاجماليه 1600 متر مربع وفوق .بهالحاله بحقلك تاخد موافقة لبناء فيللتان متلاصقتين
- يعني Radhus متلاصقين
- وهيك انت بتوفر على حالك كتير مصاري ووقت لبناء فيلا ثانية .
- -الانتباه لتضاريس الأرض والتربة .
- الأفضل اختيار الأرض اللي مافيها صخور كتير ومنحدر قوي لان هذا الشي بكلف كتير اثناء البناء .
- من ناحية المنحدر بكون بحاجه تجريف للارض زياده أو ردم مع كلفة عالية جدا .
- ومن ناحية الصخور ان وجدت فيه بحاجة للتفجير قبل الازالة وهذا الشي كمان مكلف كتير .
- -كمية الأشجار في الأرض .
- لان ازالة الاشجار من الارض مكلفة كمان .
- -من هو مالك الأرض وحجم الملكية بالنسبة المئوية وكمية صكوك الرهن في الأرض .
- ملاحظةهامة/ كلما كان المبلغ في صكوك الرهن أعلى كان أفضل .
- لان هذا الشيء مابكلفك كتير مصاري لما بدك تشتري الأرض عن طريق البنك .
- -حق الآخرين بالانتفاع بأرضك .
- بدك تنتبه لو كانت الأرض بمر فيها شارع بيخدم حق الانتفاع للجيران أو مافي هذا الشيء .
- طبعا برجع بذكر انو الأفضل دائما الاستعانه بأهل الخبره قبل الشراء حتى الواحد مايتفاجأ بمصاريف ماكانت بالحساب .
يمكنكم التواصل مع شركة السويدية Hörnsten AB للاجابة على الاستشارات العقاريه .
التعليقات مغلقة.